ಹಿರಿಯ ಅಥ್ಲೀಟ್ ಎಂ.ಆರ್. ಪೂವಮ್ಮ ಅವರು ಹರಿಯಾಣದಂತಹ ಇತರ ರಾಜ್ಯಗಳಿಗೆ ಹೋಲಿಸಿದರೆ ಕರ್ನಾಟಕದಲ್ಲಿ ನೀಡಲಾಗುತ್ತಿದ್ದ ಬಹುಮಾನ ಮೊತ್ತ 35 ಲಕ್ಷ ತೀರಾ ಕಡಿಮೆ ಎಂದು ಧ್ವನಿ ಎತ್ತಿದ ಬೆನ್ನಲ್ಲೇ ಸರ್ಕಾರ ಈ ಮಹತ್ವದ ತೀರ್ಮಾನ ಕೈಗೊಂಡಿದೆ.
ಹೆಚ್ಚಿಸಲಾದ ಹೊಸ ಬಹುಮಾನದ ಮೊತ್ತದ ವಿವರ ಇಲ್ಲಿದೆ
ಚಿನ್ನದ ಪದಕ: 35 ಲಕ್ಷದಿಂದ ನೇರವಾಗಿ 1 ಕೋಟಿಗೆ ಏರಿಕೆ
ಬೆಳ್ಳಿ ಪದಕ: 25 ಲಕ್ಷದಿಂದ 75 ಲಕ್ಷಕ್ಕೆ ಏರಿಕೆ
ಕಂಚಿನ ಪದಕ: 15 ಲಕ್ಷದಿಂದ 50 ಲಕ್ಷಕ್ಕೆ ಏರಿಕೆ
ಪ್ರೋತ್ಸಾಹಧನ: ಕೂಟದಲ್ಲಿ ಭಾಗವಹಿಸಿದ ರಾಜ್ಯದ ಎಲ್ಲಾ 20 ಕ್ರೀಡಾಪಟುಗಳಿಗೆ ತಲಾ 5 ಲಕ್ಷ ಸಿಗಲಿದೆ.
ಒಟ್ಟಾರೆಯಾಗಿ ರಾಜ್ಯದ 8 ಪದಕ ವಿಜೇತರಿಗಾಗಿ ಸರ್ಕಾರ 8.00 ಕೋಟಿ ಅನುದಾನ ಬಿಡುಗಡೆ ಮಾಡಿದೆ.
ಎಂ.ಆರ್. ಪೂವಮ್ಮ (ಅಥ್ಲೆಟಿಕ್ಸ್): ಮಹಿಳೆಯರ 4x400 ಮೀಟರ್ ರಿಲೇಯಲ್ಲಿ ಚಿನ್ನ ಮತ್ತು ಮಿಕ್ಸೆಡ್ ರಿಲೇಯಲ್ಲಿ ಬೆಳ್ಳಿ ಪದಕ ಗೆದ್ದು ಒಟ್ಟು 1.75 ಕೋಟಿ ಪಡೆದಿದ್ದಾರೆ.
ಪ್ರಣವಿ ಎಸ್. ಅರಸ್ (ಗಾಲ್ಫ್): ವೈಯಕ್ತಿಕ ವಿಭಾಗದಲ್ಲಿ ಚಿನ್ನ ಹಾಗೂ ಮಹಿಳಾ ತಂಡದ ವಿಭಾಗದಲ್ಲಿ ಬೆಳ್ಳಿ ಪದಕ ಮುಡಿಗೇರಿಸಿಕೊಂಡು ಒಟ್ಟು 1.75 ಕೋಟಿ ಗಳಿಸಿದ್ದಾರೆ.
ಶ್ರೇಯಾಂಕಾ ಪಾಟೀಲ್ (ಕ್ರಿಕೆಟ್): ಮಹಿಳಾ ಕ್ರಿಕೆಟ್ ತಂಡದಲ್ಲಿ ಚಿನ್ನದ ಪದಕ ಗೆದ್ದಿದ್ದಕ್ಕಾಗಿ ₹1 ಕೋಟಿ ಪಡೆಯಲಿದ್ದಾರೆ.
ಮೋಹಿತ್ ಹೆಚ್.ಎಸ್. (ಹಾಕಿ): ಪುರುಷರ ಹಾಕಿ ತಂಡದಲ್ಲಿ ಚಿನ್ನದ ಪದಕ ಗೆದ್ದಿದ್ದಕ್ಕಾಗಿ 1 ಕೋಟಿ ಪಡೆಯಲಿದ್ದಾರೆ.
ತಿಲೋತ್ತಮ ಸೇನ್ (ಶೂಟಿಂಗ್): 50 ಮೀಟರ್ ರೈಫಲ್ ತಂಡದ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಕ್ಕಾಗಿ 75 ಲಕ್ಷ ಪಡೆಯಲಿದ್ದಾರೆ.
ಆಯುಷ್ ಶೆಟ್ಟಿ (ಬ್ಯಾಡ್ಮಿಂಟನ್) ಮತ್ತು ಸ್ನೇಹಾ ಎಸ್.ಎಸ್. (ಅಥ್ಲೆಟಿಕ್ಸ್): ಕಂಚಿನ ಪದಕ ವಿಜೇತರಾದ ಇವರಿಗೆ ತಲಾ 50 ಲಕ್ಷ ಲಭಿಸಲಿದೆ.
ಕೇವಲ ನಗದು ಬಹುಮಾನ ಮಾತ್ರವಲ್ಲದೆ, ಪದಕ ವಿಜೇತರನ್ನು ನೇರವಾಗಿ ಗ್ರೂಪ್-ಬಿ ಸರ್ಕಾರಿ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲು ನಿರ್ಧರಿಸಲಾಗಿದೆ. ಜೊತೆಗೆ ಸರ್ಕಾರಿ ನೇಮಕಾತಿಗಳಲ್ಲಿ ಕ್ರೀಡಾಪಟುಗಳಿಗೆ ಶೇ. 2 ರಷ್ಟು ಮೀಸಲಾತಿ ಕಲ್ಪಿಸಲಾಗಿದೆ. ಒಲಿಂಪಿಕ್ಸ್ ತರಬೇತಿಯ ತಯಾರಿಗಾಗಿ ಗುರು ಒಲಿಂಪಿಕ್ಸ್ ಯೋಜನೆಯಡಿ ಎಂ.ಆರ್. ಪೂವಮ್ಮ, ಸ್ನೇಹಾ ಎಸ್.ಎಸ್, ಶ್ರೇಯಾಂಕಾ ಪಾಟೀಲ್ ಮತ್ತು ಕಾಮನ್‌ವೆಲ್ತ್ ಪದಕ ವಿಜೇತೆ ಶಿಲ್ಪಾ ಕೆ.ಎಸ್. ಅವರಿಗೆ ತಲಾ 10 ಲಕ್ಷ ಮುಂಗಡ ಧನಸಹಾಯ ನೀಡಲಾಗುತ್ತಿದೆ.
